Mánudagurinn 25. október 2010

 Nú var svo komið að Björg og Kristín Ingva áttu inni smá frí en við hin fórum til Dubai með leigubílstjóra sem leigður var í gegnum hótelið.

Það var tekið skýrt fram að hann væri ekki “gæd” eða leiðsögumaður, hann myndi bara keyra okkur en ekki útskýra neitt. Engin furða, maðurinn kunni ekki stakt orð í ensku og áttum við í mesta basli við að “googla” heimilisföng og annað til að finna staðina sem okkur langaði að skoða. 

Allt þetta hófst á endanum en það sem við gerðum var að gara upp í hæstu byggingu heims, fórum á ströndina að skoða 7 stjörnu “Sex and the city” hótelið að utan, reyndar dýfðum aðeins tánum í sjóinn og tíndum nokkrar skeljar. Fundum meira að segja “Central Perk” kaffihúsið sem er svona “næstum því en ekki alveg” eftirlíking af Central Perk kaffihúsinu í Friends þáttunum. 

Að því loknu var farið í Emirates Mall sem er verslunarkjarni að bandarískum hætti og má með sanni segja að við höfum alveg fundi okkur þar he he. Þar fóru Bjössi, Kristín Helga og Nonni á skíði, já á skíði inni í “mollinu”! 

Svo héldum við heim á leið, eða sko upp á hótel, sæl og rjóð í kinnum, allavega var skíðafólkið rjótt í kinnum.  Farið var snemma í háttinn, enda langur dagur framundan, flug frá Abu Dhabi til Biarritz í suður Frakklandi, Atlantshafsmegin, með millilendingu í Alexandríu á Egyptalandi. 

Bless í bili kroppar!

E.s.

Björg er svo góður prúttari að þegar við vorum að fara heim eftir jeppasafaríið, þá leist henni heldur betur ekki á hraðann og náði hún að prútta hraðann niður í 120 km. á klst! Bara Björg (:

Athugasemdir

[Emma Hulda Steinarsdóttir (IP-tala skráð) 27.10.2010 kl. 21:01]

Yndislegt að heyra hvað allt gengur vel hjá ykkur, greinilega mikið fjör og stemming :)

[Ása Óskarsdóttir (IP-tala skráð) 28.10.2010 kl. 18:53]

Muahahahaha...þarna þekki ég Bjöggu beib :-D   Virkilega gaman að lesa pistlana ykkar.....